Dimitry Payet bëri maksimumin, por në fund nuk arriti të rezistonte 90’ minuta në fushën e lojës në finalen e Europa League përballë Atletico Madrdidit, pasi vinte nga një dëmtim. Mesfushori francez u largua nga fusha mes lotëve. Por nga ajo që kapën kamerat para takimit, Payet është parë duke prekur trofeun për të cilin do të luanin dhe ky cilësohet si një mallkim për atë që e bën. Lojtari i klubit francez u kritikua ashpër nga ish-futbollisti i Arsenalit, Lee Dixon, për faktin se qau si fëmijë.
“U tregua shumë egoist. Ai është kapiteni, po del nga loja, po qan dhe po mendon vetëm për veten në ato momente. Duhej të kthehej dhe t’i jepte zemër shokëve, ashtu siç bëri Cristiano në finalen e Evropianit”, deklaroi Dixon. Ai shtoi se Payet u dëmtua pasi preku trofeun e Europa League kur po hynte në fushë. “Çdo futbollist e di që nuk duhet prekur trofeu përpara ndeshjes. Është ters dhe ia çfarë ndodhi”, tha Dixon.
