Shtetet e Bashkuara të Amerikës kanë uruar 10-vjetorin e Pavarësisë së Kosovës. Sekretari amerikan i shtetit, Rex Tillerson, në emër të SHBA-së ka përcjellë urimet për shtetin e Kosovës.
Ndër të tjera në mesazh thuhet: “Në dekadën që nga pavarësia, Kosova ka treguar vendosmëri në pjekje dhe është bërë një vend më i qëndrueshëm, demokratik dhe gjithëpërfshirës”. Ndërsa nga ana tjetër ai shprehet se nuk do të mungojë mbështetja e SHBA-së ndaj qytetarëve të Kosovës, duke uruar të ardhme me prosperitet.“Në emër të Shteteve të Bashkuara, unë përgëzoj Kosovën dhe popullin e saj për festimin e 10 vjetëve të pavarësisë si një komb sovran”-shton ai.
“Në dekadën që nga pavarësia, Kosova ka treguar vendosmëri në pjekje dhe është bërë një vend më i qëndrueshëm, demokratik dhe gjithëpërfshirës. Shtetet e Bashkuara vazhdojnë të mbështesin qytetarët e Kosovës, ndërsa ata duhet të punojnë për të forcuar institucionet demokratike dhe ato multietnike, kjo për të rritur ekonominë dhe për të forcuar sundimin e ligjit në rrugën drejt integrimit të plotë në bashkësinë ndërkombëtare. Unë i uroj popullit të Kosovës një të ardhme të mbushur me paqe dhe prosperitet”-përfundon urimin Rex Tillerson.
