Ka qenë një telenovelë mjaft interesante historia e transferimit të sulmuesit çek nga Sampdoria tek Roma. Kjo pasi para se të nënshkruante me romanët kishte zhvilluar vizitat mjekësore tek Juventus, të cilët i shtynë për problemet me zemrën që kishte Schick. Por duket se nuk ka qenë asgjë serioze dhe se Juventus mund ti bjerë pishman në të ardhmen që veproi ashtu. Synimi i tij pas Romës mbetet një ekip i madh dhe ëndërron Real Madrid, Barcelonën dhe Manchester United. Ai shpreson që aventura në kryeqytetin italian ti shërbejë si trampolinë. Në Itali ishte i kërkuar nga disa ekipe por vlera e kartonit që i caktoi presidenti i Samp, bëri që disa ekipe të mos e përballonin dhe pas zhgënjimit në Torino, Schick preferoi të kalojë në Romë.
“Në fund të sezonit të kaluar kisha shumë oferta, ato që më pëlqyen më shumë ishin nga Torino, Milano dhe Roma. Kam zgjedhur Juventusin, më është kërkuar nga Nedvedi”.
“Për vizitat mjekësore te Juve? E dija që nuk ishte serioze, ishte një kompikim në zemër që e kisha kaluar. Isha mirë, e dija që më duhej vetëm kohë për të pushuar dhe gjithçka do i rikthehej normalitetit, por Juve pastaj vonoi transferimin tim. Pasi u ktheva nga pushimet, agjenti im Paska më tha që duhet të kthehesha në Torino për teste tjera. I thash se nuk do shkoj askund, isha pak i zemëruar”.
“Transferimi te Roma? Në mes të korrikut, klauzola 25 milionë euro nuk ishte valide, kjo pasi presidenti i Sampdorias më tha se dëshironte më shumë nga kartoni im. Dhe ja kështu u shita për 40 milionë te Roma. Këtu më ka këshilluar Kolarov, më ka thënë që të harrojë shpejt çmimin tim, të qëndroj i qetë dhe çdo gjë do të shkojë mirë”.
“E ardhmja? Shpresoj që në vitet e ardhshme të transferohem në një klub më të mirë. Është një motivacion që më ka ndihmuar gjithmonë’.
“Por, ku? Nuk e di nëse do arrij më lart kështu, por shpresoj të jem në planet e klubeve si Real Madrid, Barcelona apo Manchester United”, ka thënë Schick.
