Deputeti i PD-së në legjislaturën që po mbyllet, Astrit Patozi, pasi deklaroi se nuk do të kandidonte për kryetar të kësaj partie në zgjedhjet e 22 korrikut, konsideroi si aspak të dobishme kandidaturën e vetëshpallur të Eduard Selamit si pasardhës i Bashës.
“Eduard Selami nuk është kandidaturë reale. Nuk e konsideroj të tillë për nga mënyra si e bëri shpalljen dhe mori vendimin” tha Patozi, ndërsa nuk përjashtoi mundësinë e një marrëveshjeje të mundshme mes atij dhe Bashës. “Nëse ekziston një marrëveshje mes tyre, kjo do të ishte e dëmshme për PD-në”, shtoi ai.
