Trafikantët dhe pasuri e tyre është një tjetër problem për policitë e vendeve ku veprojnë grupe të tilla. Edhe Shqipëria është një vend që ka prezencë të shtuar dhe të sofistikuar të grupeve kriminale.
Ministri i Brendshëm, Fatmir Xhafaj ka folur në Opinion në lidhje me pasuritë e grupeve të rrezikshme dhe vendet ku i çojnë paratë. Ai tregoi se si do operohet me pasuritë e grupeve, ndërsa shpjegoi se të gjithë do të kenë fatin e Eskobarit të Ballkanit, Klemet Balilit.
Sipas tij, grupet e strukturuara po studiohen dhe do të goditen përmes një aksioni, ndërsa plani i sekuestros është gati dhe pritet të konkretizohet. Ai tha se sektorët më të lakmuar për trafikantët janë pasuritë e paluajtshme, ndërtimi, biznese. Vila etj.
Ndërkohë sipas ministrit, një pjesë e tyre i dërgojnë jashtë nëpërmjet metodave të pastrimit, duke shpjeguar edhe njëherë se në Evropë veprojnë mbi 5000 grupe kriminale.
Intervista e ministrit Xhafaj
Këto para ku i çon krimi?
Kemi nisur një plan sekuestroje, kjo do të jetë për toke, shpi, vlera ne miliona euro. Ku investojne.Në pasuri e paluajtshme, ndërtim, në biznese të ndryshme, një pjesë e tyre investojnë edhe jashtë vende. I pastrojnë dhe i qarkullojnë paratë.
Si ka mundësi edhe jashtë të behën këto?
Po sigurisht, sapo thash se janë rreth 5000 grupe kriminale në Evropë. Të njëjtën gjë do të bëjmë më grupet e strukturuara. Ashtu siç bëmë më Balilin përmes Task Forcës qendrore dhe lokale, dhe ne kemi identifikuar të gjithë pasuritë kriminale.
