Kolegji i Posaçëm i Apelimit shkarkoi nga detyra gjyqtarin Xhezair Zaganjori, kryetar i Gjykatës së Lartë.
“Referuar deklaratës fillestare të 2013 dhe të vitit 2017, subjekti Xhezair Zaganjori është i pasaktë në deklarimin e sipërfaqeve, vlerës dhe burimit të këtyre pasurive të paluajtshme.
Ai nuk arrin të justifikojë pasuritë. Për rrjedhojë ka kryer deklarim të pasaktë”, tha relatorja e seancës, Albana Shtylla.
Ishte kryesuesja e trupës gjykuese Albana Shtylla, ajo që lexoi të arsyetuar vendimin e Kolegjit se Zaganjori ka bërë deklarim të pasaktë për 4 pasuritë që zotëron në Tiranë, dhe një tjetër në Durrës.
Po ashtu, është konstatuar se gjyqtari ka probleme edhe me mbulimin e shpenzimit sidomos me shkollimin e dy djemve jashtë vendit, njëri në Gjermani dhe tjetri në Mbretërinë e Bashkuar.
Zaganjori, një ish-diplomat u zgjodh anëtar i Gjykatës Kushtetuese në vitin 2003 dhe anëtar i Gjykatës së Lartë në vitin 2013.
Pas shkarkimit të tij, Gjykata e Lartë tashmë mbetet vetëm me një anëtar.
