Sekretari për Çështjet Ligjore në Partinë Demokratike, Clirim Gjata ka akuzuar institucionin e Vettingut se po mban standard të dyfishtë. Këtë deklaratë, Gjata e bëri duke iu referuar çështjes së prokurores Donika Prela, e cila e kaloi Vettingun.
Por, Gjata tha se në deklarimet e pasurisë së Prelës ka pasur një sërë problematikash e shkeljesh.
“Ka një shkelje në pasurinë e prokurores edhe te blerja e apartamenti. Çmimi është shumë më i lirë se çmimi i tregut. Pse ky preferencim? Pse kjo ulje çmimi pikërisht për këto prokurore? A hetohet për pastrim parash kur blejnë apartamente shumë më shtrenjtë? Ajo që është më e rëndësishme është procesi gjyqësor që ka hapur bashkëshorti i Prelës. Nuk ka paguar prej vitesh taksa, kujtohet të hapë padi pas 7 vitesh. Si nuk e dika bashkëshortja e tij se pas 7 vitesh nuk mund të hapësh padi? Kaq e trashë është gatuar kjo dhe tregon se ka mbështetje të fuqishme politike. Institucioni i vettingut të heqë dorë nga standardi i dyfishtë”, tha ndër të tjera Gjata.
