Kreu i Emergjencave Civile, Haki Çako, ka shkuar vetë në terren për të parë nga afër situatën, pas tërmetit që tronditi zonën jugore të vendit.
Nga tërmeti janë shkaktuar dëme materiale në 5 banesa në fshatin Kuç, nga të cilat 4 kanë dëmtime të lehta, dhe 1 është dëmtuar më rëndë.
Çako tha se Emergjencat Civile dhe Forcat e Armatosura janë në gatishmëri të banorëve.
“Do të bëjmë vlerësimin e të gjitha dëmeve te shkaktuara në banesa, por edhe shkollën e fshatit. Emergjencat Civile dhe Forcat e Armatosura janë në gatishmëri, për ti ardhur në ndihmë banorëve.
Të kalojmë situatën aktuale dhe natyrisht pastaj do të bëjmë vlerësimin dhe evidentimin e dëmeve të shkaktuara”, u shpreh kreu i Emergjencave Civile.
