Këngëtarja Big Mama, tashmë mbase nuk e meriton të quhet e tillë, kjo për shkak se pas operacionit ajo është shndërruar totalisht, duke u kthyer në një ‘elegant mama’.
Këngëtarja nga Kosova ka rrëfyer ndryshimin drastik jo vetëm në pamje, por në jetën e saj, pas operaconit.
E ftuar në “Prive”, Big Mama tregoi se ajo tashmë rilindur dhe se ka hequr dorë nga shumë gjëra:
“Kam hyrë me këmbët e mia në operacion. Filmova edhe veten, po kisha frikë. I thoja vetes: ‘Po sikur të vdes’? Çdolloj mendimi të vjen në atë moment. Por tani kam rilindur. Më është ndryshuar komplet jeta. E kam lënë cigaren, kam lënë alkoolin, kam lënë ushqimin, kam lënë dashnorin, të gjitha i kam lënë”, u shpreh Big Mama.
Ajo foli edhe për ndarjen , teksa tha se ajo dhe partneri nuk gjetën një gjuhë të përbashkët dhe nuk funksionoi.
“E përjetova një lidhje, i tregova të gjithëve sepse kjo lidhje ishte më serioze, e dinte edhe familja ime. Ishim në një lidhje gati 1-vjeçare, e pamë që nuk funksiononte, nuk patëm gjuhë të përbashkët, ishim tipe të ndryshme dhe vendosëm t’i japim fund kësaj lidhje”, tha Big Mama.
