Shqipëria dhe Greqia ranë dakord që për çështjen e detit t’i drejtohen drejtësisë ndërkombëtare.
Sipas kolonel Myslym Pashajt, Shqipëria nuk mundi të mbronte dot kufijtë detarë nga Greqia.
Pashaj thotë se marrëveshjen e parë të 2009-ës, Shqipëria nuk kishte ekspertët e duhur pasi ndaj Greqisë do të humbiste 354 km2, sipërfaqe sa një bashki në tokë.
Koloneli shprehet se tani është momenti që Shqipëria të çojë një material të mençur në Hagë.
”Shqipëria nuk qe e zonja dot, po e them troç, nuk do i vijë mirë, Shqipëria nuk ishte në gjendje me ekspertët e saj, në tavolinën diplomatike të mbronte kufijtë e saj detarë në marrëveshjen e parë. Por marrëveshja e parë është prototip në krye. Ajo marrëveshje na tregoi se nuk kishim ekspertët e duhur. Të argumentonin në mënyrë shkencore e juridike për çështjen e detit. Kishim humbur shumë.
354 km2 humbnim, sa një bashki, me pasuri të mëdha nëntokësore, por edhe duke humbur dinjitetin kombëtar, hapësira të mëdha detare. Pasi ishujve që ka prezent Greqia, të cektinave bregore, ne nuk ishim në gjendje të argumentonin që duhet të futeshin në punë e trajtim me efektet e tyre. Nuk ishte në lartësinë e duhur.
Unë do isha që në ekspertizën që do bëhet në vijim e më tutje, të marrëveshjes së re që do bëhet nga Haga, duhet të jetë e lartë, të kenë një gjë të mençme që u vjen nga vendi. Duhet që ne të paraqesim një material i mbështetur nga pikpamja juridike e teknike.” tha Pashaj në ‘Kjo Javë’.
