Pas vetëvrasjes së këngëtarit Chester Bennington më 20 korrik, dëgjimet e këngëve të grupit Linkin Park janë rritur me 730%.
Bazuar në raportin e dëgjueshmërisë për 20 korrikun, këngët e Linkin Park patën rritje prej 730% në SHBA në krahasim me të dhënat e një dite më parë, gjë që ka ardhur si rrjedhojë e vdekjes së këngëtarit, teksa fansat e kanë kujtuar duke dëgjuar këngët e tij.
Kënga më e dëgjuar e Linkin Park më 20 korrik ishte “In The End”, që u klikua 923,000 brenda ditës (kurse 107,000 herë ishte dëgjuar një ditë më parë). Kjo këngë është e renditur më së larti edhe në top listën e “Billboard Hot 100”, që më 2002 kishte arritur në vendin e dytë.
Top 10 këngët më të dëgjuara të Linkin Park më 20 korrik janë:
“In the End,” 923,000
“Numb,” 740,000
“Heavy” ft Kiiara, 684,000
“One Step Closer,” 480,000
“Crawling,” 439,000
“What I’ve Done,” 420,000
“Papercut,” 412,000
“Somewhere I Belong,” 394,000
“Numb/Encore,” JAY-Z/Linkin Park, 356,000
“Bleed It Out,” 350,000
Edhe shitjet e grupit Linkin Park janë rritur për 5,332 për qind pas vdekjes së Benningtonit. Në total albumet dhe këngët e grupit u shitën 111,000 kopje më 20 korrik, ndërsa një ditë më parë kishte vetëm 2000 kopje.
