Kosova vijon të fuqizojë politikat lidhur me produktet që hynë në territorin e saj. Së fundmi, ministri i Tregtisë dhe Industrisë, Endrit Shala ka urdhëruar ndalimin e hyrjes së disa produkteve në Kosovë.
Bëhet fjalë për mallrat që importohen në Kosovë me mbishkrimin “Kosovë/o dhe Metohi”, “Kosovë/o UNMIK” apo “Kosovo/a Rezoluta 1244”, për të cilat ka pasur raportime nga qytetarët, ndërsa janë verifikuar nga ana e Inspektoratit të Tregut.
Pas konstatimit në terren, ministri Shala ka lëshuar një urdhëresë për Inspektoratin e Tregut ku ka kërkuar që të kërkojnë nga operatorët ekonomikë që menjëherë t’i largojnë nga tregu produktet me etiketime të tilla, apo çdo emërtim tjetër në kundërshtim me emërtimin zyrtar të Republikës së Kosovës.
