Gazetari investigativ, Artan Hoxha ka bërë një deklaratë të fortë, teksa është shprehur se shumë shpejt do kërkohet arrestimi i një deputeti tjetër.
Sipas Hoxhës, Prokuroria e Tiranës po heton një deputet tjetër, të cilit pritet t’i komunikohet masa e arrestit.
Gazetari tha në emisionin “Të paekspozuarit” se emri i këtij deputeti është përmendur në përgjimet e një grupi kriminal.
“Ka patur aq shumë ngjarje sa nuk po arrijmë as të analizojmë si ngjarje, dhe jo më t’i thellojmë. Një deputet tjetër, funksionar i rëndësishëm i administratës shtetërore është kapur rastësish, është regjistruar, teksa po përgjohej një grup kriminal. Nuk dihet se çfarë do bëjë prokuroria me atë, dhe mbase e ka ruajtur si gur të fundit. Dhe do të kemi shumë shpejt një deputet tjetër që t’i komunikohet masa e arrestimit”, tha gazetari Hoxha.
