Pas idesë më të diskutueshme të ditëve të fundit, për mundësinë e shkëmbimit të territoreve mes Kosovës dhe Serbisë, edhe Greqia ka ngritur hipotekën e ndryshimit të kufijve me Shqipërinë.
Ministri i Jashtëm i Greqisë Nikos Kotzias në një deklaratë të bërë nga Norvegjia, i është referua edhe bisedimeve me Shqipërinë mbi “delimitimin e kufijve”. Kjo do të thotë, me fjalë të tjera, ndryshimin e tyre.
Ndërsa më parë, kryeministri Alexis Tsipras e ka hedhur poshtë idenë e ndryshimit të kufijve, shkruan europost.gr.
Vlen të përmendet se Kotzias ka folur për nënshkrimin e Marrëveshjes së Prespës. Ai ka folur me nota pozitve porsa i përket marrëveshjes që mund të arrihet me Shqipërinë, e cila përmban 10 çështje, duke përfshirë “demarkacionin e kufirit dhe atë të zonave detare.”
Sipas Tsipras, do diskutohet vetëm për zonat detare, tekstet, varrezat, të drejtat e pakicave dhe në asnjë mënyrë nuk ka çështje ku do të flitet për “ndryshimin e kufijve”.
Por, Kotzias dje ka folur se çështje e cila pritet të diskutohet mes Shqipërisë dhe Greqisë është edhe “demarkacioni i kufirit”./TIRANA TODAY/
