Mijëra protestues në Sllovaki nuk u mjaftuan me dorëheqjen e kryeministrit Robert Fico, por kanë vijuar protestën duke përsëritur thirrjet zgjedhje të parakohshme.
Protesta paralele pati në 35 qytete të ndryshme të vendit. Sllovakia, vend anëtar i Bashkimit Europian është zhytur në trazira të mëdha që prej 1 muaji, menjëherë pasi gazetari 27-vjeçar, Jan Kuciak u gjet i vrarë në banesën e tij së bashku me të fejuarën e tij.
Kjo ngjarje shkaktoi revoltë në popull duke bërë që njerëzit të kërkojnë zgjedhje të parakohshme pasi qeveria aktuale është e paaftë të nxjerrë vendin nga tranzicioni, 30 vite pasi ka rënë komunizmi.
Protesta në Sllovaki ka qenë një ndër më masivet në vend që pas rënies së komunizmit në 1989.
