Milani mposhti Sassuolon në ndeshjen e fundjavës me rezultatin e thellë 4-1. Një ndeshje emocionale për Prince Boateng i cili ka kaluar disa vite mjaft të mira tek kuqezinjtë dhe i duhej të përballej me ta si kundërshtarë. Gjatë ndeshjes ai pati një përplasje me mesfushorin Franck Keesie.
Të dy ata patën një përplasje në një moment të ndeshjes, por ndërhyrja e lojtarëve të tjerë bënë që gjakrat të qetësohen. Në lidhje me këtë incident, është vetë ganezi Boateng, që nëpërmjet një postimi në Instagram sqaron gjithçka.
“Lojë e fortë mbrëmë, urime Milanit. Ndonjëherë bëhemi shumë emocionalë në fushë. Nuk kam asgjë tjetër, veçse dashuri për këtë përbindëshin e mesfushës” – shkruan Boateng në drejtim të Kesit.
