Xherdan Shaqirit ka bërë një debutim fantastik me ekipin e ri, Liverpool. Ai tregoi një formë mjaft të lartë në pjesën e dytë kur u aktivizua, duke dhënë një asist dhe më pas shënon një gol spektakolar përballë Manchester United në miqësoren e turit parasezonal, International Champions Cup.
Shaqiri luan për kombëtaren e Zvicrës dhe në Botërorin e Rusisë pasi i shënoi Serbisë bëri festimin e famshëm me shqiponjë i cili tashmë duket se ka bërë jehonë deri në SHBA. Tifozët e pranishëm në stadium në momentin që Shaqiri shënon golin me roveshatë kanë festuar bashkë me të dhe një pjesë e tyre kanë bërë shqiponjën me duar.
26-vjeçari u transferua në Liverpool këtë verë nga Stoke City për rreth 15 milionë euro. Ai luajti për Stoke për tri vite radhazi në Premierligë, por në fund të këtij sezoni ai u largua pas rënies së klubit në Championship, në nivelin e dytë të futbollit anglez.
