Eksperienca e Thierry Henry në stafin e trajnerit Roberto Martinez tek Belgjika gjatë Botërorit duket se e ka përmirësuar shumë. Tashmë pritet që ai të marrë drejtimin e një skuadre dhe duket se do të kthehet ta bëjë në Angli.
Thuhet se pasi Nassef Sawiris ka blerë një pjesë të madhe të aksioneve të klubit të Aston Villa-s do të emërojë francezin në krye të pankinës. Miliarderi egjiptian ka blerë 55 % të aksioneve të klubit nga Tony Xia të premten, dhe me shumë gjasë do ta zëvendësoj trajnerin Steve Bruce me legjendën e Arsenalit.
Henry e ka shprehur dëshirën e tij për të marrë një detyrë si trajner i futbollit pas punës së tij si asistent i trajnerit, Martinez, me kombëtaren e Belgjikës në Kampionatin Botëror Rusia 2018.
