Pas ndalimit të shqiptarëve të ndaluar në Tripoli, të cilët vazhdojnë të mbahen nga autoritetet e Libisë, Drejtoria Detare ka bërë një njoftim të rëndësishëm.
Kjo e fundit u bën thirrje të gjithë pronarëve të anijeve shqiptare që të shmangin qëndrimin në portet e Sirisë dhe Libisë.
Drejtori i Drejtorisë Detare është shprehur se portet e këtyre vendeve janë të pasigurta për jetën e ekuipazheve të anijeve shqiptare, prandaj duhet të shmangin qëndrimin aty.
Sot ka reaguar edhe pala malazeze, e cila kërkon lirimin e dy oficerëve të saj.
Në përbërje të ekuipazhit të ndaluar prej 8 anëtarësh ndodhen edhe 5 marinarët shqiptarë, Maliq Bushati, Avni Buzi, Artur Selimaj, Xhodet Çelaj dhe Jurgen Balla.
Përveç kapitenit dhe dy drejtuesit e tjerë, oficeri i parë dhe i dytë i anijes janë shtetas malazezë.
