Milot Rashica ka konfirmuar këtë sezon cilësitë teksa është kthyer në liderin e Werder Bremen. Edhe pse këta të fundit nuk po kalojnë një situatë aspak të mirë, kjo nuk e ka penguar sulmuesin nga Vushtrria të tërheqë vëmendjen e shumë klubeve. 23-vjeçari është ideuar nga Napoli në Serie A si një zëvendësues perfekt i Callehon, pasi spanjolli është drejt fundit të aventurës së tij me të kaltrit.
Por, së fundmi për Rashicën ka dalë në skenë edhe Borussia Dortmund. Verdhezinjtë po pajtohen me faktin se në këtë verë do të humbasin për shkak të kërkesave të shumta, talentin Jadon Sancho.
Kështu, Dortmund projekton sulmuesin e Kosovës në vend të britanikut, i cili në këtë rast nuk do të kishte nevojë për kohën e përshtatjes duke qenë se Bundesligës ia ka marrë dorën. Në këtë formë, Rashica duket i destinuar që në këtë sezon të largohet nga Werder Bremen dhe të fillojë një eksperiencë të re, edhe më të rëndësishme.
