Elseid Hysaj që nga momenti që bëri kalimin nga Empoli tek Napoli, ka qenë një titullarë i padiskutueshëm dhe është sakrifikuar në disa pozicione. Forma e lartë që ka treguar mbrojtësi kuqezi ka bërë që napolitanët të krijojnë një besim tek lojtarët shqiptar dhe të kthejë sytë nga lojtarë të tjerë.
Duke parë që stoli i Napolit po ‘vjetërsohet’ drejtuesit e klubit kanë filluar të mendojnë për të ardhmen dhe po ndjekin me kujdes lojtarë të tjerë në moshë të re. Një ndër ta është edhe Frederik Veseli. 25-vjeçari, me një të kaluar te Manchester City dhe Manchester United, vlerësohet fakti që përveç pozicionit në qendër të mbrojtjes, ai mund të luajë edhe në mesfushë. Për momentin negociatat janë në fazën fillestare, por nuk përjashtohet që Napoli të finalizojë marrëveshjen në muajt në vazhdim, për ta pasur Veselin në dispozicion për sezonin e ardhshëm.
Drejtori sportiv Giuntoli ka nisur bisedimet me homologët e skuadrës toskane, duke shfrytëzuar edhe marrëdhëniet e mira që kanë dy klubet. Kuqeziu është kthyer në titullar të padiskutueshëm te Empoli, prej transferimit në vitin 2016. Në këtë sezon Veseli ka luajtur titullar në 19 nga 23 javët e Serisë B, me skuadrës që momentalisht pozicionohet në vendin e tretë dhe është në garë për tu kthyer në elitën e futbollit italian.
