Unioni i Shoqatave Evropiane të Futbollit (UEFA) ka nisur një hetim disiplinor ndaj kombëtares turke të futbollit.
Vendimi u mor ditën e sotme nga UEFA, ndërsa skuadra e Turqisë do të hetohet për sjellje politike dhe provokative. E gjitha kjo nisi pas golit të shënuar në ndeshjen kundër Shqipërisë, kur futbollistët turq festuan me përshëndetje ushtarake.
Pas mbarimit të ndeshjes, kombëtarja turke dhe 2 nga futbollistët e saj deklaruan në Instagram se fitoren ia dedikonin ushtarëve turq që po luftojnë në Siri.
