Golat e Crisitiano Ronaldos dhe Karim Benzema-së i dhanë fitoren e La Ligas Realit të Madridit.
Megjithatë, përtej kësaj, një mirënjohje e madhe shkon për portierin Keylor Navas.
Ky i fundit, shtangu me pamjen e tij, kur doli për të dhënë një intervistë për mediat pas fitores.
Navas kishte rruar kokën e tij dhe kjo për një arsye mjaft të rëndësishme.
“E rrova kokën si një kontribut për të gjithë fëmijët që vuajnë nga kanceri në spitale. I kërkova Zotit që ata të shërohen”, u tha gazetarëve Navas.
“Kjo është për të gjithë fëmijët që po luftojnë kancerin dhe për familjet e tyre, në mënyrë që ata të vazhdojnë të luftojnë”, shtoi portieri pas gjestit të tij të mahnitshëm.
