Pas dy muajsh nga tragjedia, flasin për herë të parë familjarët e Astorit

Kur kanë kaluar dy muaj pas ndarjes nga jeta në mënyrë tragjike dhe të parakohshme të Daveide Astorit, një faqe e “Gazzetta dello Sport” e kësaj të shtune i është dedikuar pikërisht atij. Ai ishte kapiteni i Fiorentinës dhe lojtar i kombëtares Italiane, ndërsa pas kaq kohësh edhe familja e tij ka një mesazh, ku reagon për erë të parë, por në një mënyrë tejet të thjeshtë.Një foto e Astorit duke buzëqeshur, veshur me fanellën e Kombëtares “axurre” dhe mbishkrimi “Faleminderit”. Një falënderim për miqtë, shokët, rivalët dhe të gjithë ata që u bashkuan me dhimbjen e familjes së tij. Ishte një lojtar që jo vetëm mbante shiritin e kapitenit të Fiorentinës, por dukej sikur të ishte kampioni i të gjithëve, i të gjithë njerëzimit.E vogla Vittoria është njëra nga firmëtaret e kësaj faqeje gazete, sikurse edhe e ëma e saj Francesca (bashkëshortja e Davides) dhe familjarë të tjerë. Janë shumë pak fjalë, por delikate, që shënojnë kështu dymujorin e parë të ikjes së Astorit.“Faleminderit është një fjalë e thjeshtë por unike, siç ishte edhe Davide. Duam t’iu themi faleminderit personalisht të gjithëve që na qëndruat pranë, duke nisur nga ai 4 mars i papritur për të gjithë ne, por që ishit jashtëzakonisht të shumtë, aq sa nuk mund ta imagjinonim. Ndaj zgjodhëm ta bënim kështu, siç ishte e zakonshme nga Davide, me një buzëqeshje dhe një përqafim të fortë, për t’iu thënë faleminderit nga zemra”.