Prokurorja e Apelit në Shkodër, Besa Nikëhasani, ka dalë sot para trupës gjykuese të Komisionit të Pavarur të Kualifikimit.
KPK ka dalë në përfundim prokurorja Besa Nikëhasasni nuk justifikon dot pasurinë e saj. Nikëhasani ka qene vetë e pranishme para trupës gjykuese, duke mos pranuar asistencën e një avokati.
Figura e Prokurores u mor ne shqyrtim me përparësi për shkak se ajo kandidon për në Këshillin e Lartë të Prokurorisë. Vendimi per Nikëhasanin do të jepet ditën e enjte.
Në ndryshim nga ILDKPKI-ja që ka konstatuar se Nikëhasani nuk ka fshehur pasurinë, KPK-ja thotë se prokurorja ka gënjyer pasi nuk ka burim pasurie për blerjen e apartamenteve dhe garazheve.
Për Besa Nikhasanin është bërë vetëm kontrolli për pasurinë nëpërmjet vettingut. ILDKPKI ka konstatuar se deklarimet e Nikëhasanit janë të sakta, nuk ka fshehur pasurinë nuk ka kryer deklarim te rremë. Ka burim të ligjshëm pasurie. Nuk kemi kryer një hetim të pavarur nga përgjigja e ILDKPKI. Nikëhasani ka një apartament me vlerë 90 mijë euro në Tiranë, apartament me vlerë 28 mijë euro në Shëngjin dhe një dyqan në Lezhë, fituar me prishjen e një apartamenti të vjetër. Nikëhasani ka gënjyer për një apartament në Lezhë me sip 130 m2. Nuk ka pasur asnjëherë certifikatë pronësie. Sipas prokurores ka pasur këtë apartament, është prishur dhe është bërë një pallat i ri, por nga hetimi administrativ nuk ka fakte. Nikëhasani nuk ka burim pasurie për blerjen e automjetit një apartamenti dhe dy garazheve në Tiranë. 130 m2 apartament në Lezhë dhe apartament 140 m3 e dy garazheve në Tiranë dhe fuoristradës janë pa burim të justifikuara.”-ka thënë KPK.
Ndërsa vetë Prokurorja gjatë kësaj seance u shpreh se “Për dy garazhe nuk i kam fshehur, por i kam deklaruar në vitin 2009. Vlera 90 mijë euro është për banesën dhe 2 garazhet. Shuma prej 752 mijë lekë është deklaruar vetëm një herë nga unë, është lapsus i ILDKPI”.
