Javët e fundit për Zlatan Ibrahimovic nuk kanë qenë aspak të mira. Pas “grevës” për të mos luajtur në fushën e Seattle Sounders, e cila është me barë sintetik, gjiganti suedez ka marrë një lajm tjetër të hidhur. Firma e tij e rrobave “A-Z”, ka falimentuar dhe në total ai ka humbur rreth 20 milionë euro. Pas këtyre ngjarjeve të gjithë filluan të flasin për fundin e karrierës së tij.
Por Zlatan është kthyer ashtu si vetëm ai di të bëjë, me një deklaratë mjaft interesante. “A do ta mbyll karrierën te Galaxy? Të shohim, edhe pse tani ndihem shumë mirë. Kam pasur një dëmtim të rëndë, por më pas të gjithë e harruan, sepse pas tre muajsh unë zbrita në fushë dhe i tregova të gjithëve që isha gjallë.
Ndihem mirë fizikisht dhe mirë në Los Anxhelos. Më pëlqejnë shokët e ekipit, më pëlqejnë njerëzit që kam përreth dhe më pëlqen qyteti. Dua të ndihmoj klubin dhe shokët e mi që të fitojmë. Nuk e di se ku do ta mbyllë karrierën. Për momentin jam këtu dhe shijojeni sa më shumë praninë time në këtë ekip, për sa kohë do të zgjasë…”
