Pas De Vrij, Inter rrëmben edhe lojtarin e Juventusit

Interi është duke menduar për sezonin e ardhshëm dhe është e qartë që duhen disa përforcime të pashmangshme pothuajse në çdo repart. Fillimisht zikaltërit siguruan shërbimet e qendërmbrojtësit holandez të Lazios, De Vrij, të cilin e morë me parametra zero pasi ishte në përfundim të kontratës dhe nuk u gjet akordi për rinovim. Ndërsa ditën e sotme është siguruar edhe një afrim tjetër tek Inter. Bëhet fjalë për mbrojtësin e majtë të Juventusit Kwadwo Asamoah, i cili raportohet të ketë kompletuar vizitat mjekësore tek Inter, në prag të nënshkrimit të kontratës trevjeçare.Ganezi ka luajtur tek Juventus në gjashtë sezonet e fundit, por kontrata e tij përfundon më 30 qershor dhe mesa duket klubi nuk ka ndërmend t’ia rinovojë. Mbrojtësi anësor, i cili mund të luajë edhe në mesfushë, është përfolur për një kalim te Zikaltrit gjatë muajve të fundit, dhe tani raportohet se ia finalizuar edhe hapin e fundit. Asamoah tani është në gjendje të firmosë kontratën me klubin e ri, e cila thuhet të jetë trevjeçare deri më 30 qershor të 2021.