Këshilli i Ministrave, me propozim të Ministrisë së Kulturës ka shkarkuar nga detyra drejtoreshën e Bibliotekës Kombëtare, Persida Asllani. Vendimi është marrë ditën e sotme.
Nuk dihen ende shkaqet pse drejtuesja është liruar nga detyra. Kujtojmë se Asllani kryesonte në këtë institucion prej pesë vitesh.
Vendimi:
Në mbështetje të nenit 100 të Kushtetutës dhe të pikës 11, të nenit 27, të ligjit nr.8576, datë 3.2.2000, ‘Për bibliotekat në Republikën e Shqipërisë’, të ndryshuar, me propozimin e ministrit të Kulturës, Këshilli i Ministrave.
VENDOSI:
Znj. Persida Asllani, drejtor i Bibliotekës Kombëtare, të lirohet nga kjo detyrë. Ky vendim hyn në fuqi menjëherë dhe botohet në ‘Fletoren zyrtare’.
