Në këto ditë të festës së Pashkëve, vizitorët në Romë mund të përjetojnë një eksperiencë që ndodh një herë në jetë. Ata kanë mundësinë të ngjisin shkallët origjinale, për të cilat thuhet se Jezusi ka ecur gjatë kohës që ai do gjykohej nga Pons Pilati (Pontius Pilate), i cili urdhëroi kryqëzimin e tij.
“Shkallët e Shenjta”, e njohur në latinisht si “Scala Sancta”, janë mbuluar me dërrasa prej druri për 300 vjet, por për dy muajt e ardhshëm, mermeri i tyre origjinal do të jetë i ekspozuar.
Pikat e gjakut të Jezusit që thuhet se kanë rënë gjatë ecjes, janë shënuar me kryqe mesjetare.
“Ungjilli i Gjonit tregon se Jezusi i ngjiti këto shkallë disa herë”, tha Ati Francesco Guerra, Rektori i Shkallëve të Shenjta.
Edhe pse nuk ka dokumentacion të shkruar, tradita e ka që nëna e Perandorit Konstantin, Helena, një koleksionist i pasur i relikeve të Jezusit në shekullin e 4-të, i kishte sjellë shkallët nga Jerusalemi.
“Ne dimë që Shën Helena transportoi në një kishë këtu afër, thonjtë që u përdorën për të kryqëzuar Jezusin dhe një pjesë të kryqit të tij”, tha Guerra.
Frank Scherra, një ushtar amerikan i vendosur në Gjermani, i cili i ngjiti shkallët bashkë me 6 fëmijët e tij, e quajti një eksperiencë “tepër të çmuar”.
“Më dha kohë për të reflektuar dhe menduar për njerëzit që kishin një impakt në besimin tim dhe në familjen time. Ishte një mundësi për t’u lutur edhe për ata që ndodhen në qiell”, tha ai.
Disa të tjerë, kanë treguar historitë e tyre të konvertimit dhe përvojat emocionale që kanë përfituar nga kjo eksperiencë.
Shkallët do të mbulohen sërish me dru, për të mbrojtur mermerin, por edhe për disa javë vizitorët në Romë mund të ecin a gjunjëzohen në ato që besohet të jenë gjurmët origjinale të Jezusit./ Tirana Today
