Partizani në gjurmët e Kukësit, projekton një austriak për stolin

Partizani prej disa vitesh nuk po përgjigjet në fushë për aq sa është investuar, edhe këtë vit historia po përsëritet. Pasi as 17 javësh mbajnë vendin e gjashtë edhe pse është ndërtuar për t’u shpallur kampion. Kjo gjë nuk mund të pranohet kurrsesi nga drejtuesit e Partizanit. Humbja në Vlorë ka rikthyer pakënaqësitë në kampin e kuq, ndërsa në pikëpyetje është trajneri Starova.

Mediat austriake shkruajnë se Walter Schachner mund të jetë trajneri i Partizanit. Duke parë që objektivat për këtë edicion nuk mund të arrihen, drejtuesit e kuq kanë filluar të mendojnë për edicionin tjetër. Për t’i dhënë kohë një trajneri dhe strategjie të re, drejtuesit mund të afrojnë trajnerin austriak.

Ish-futbollisti i mjaft skuadrave të njohura si Austria Vjenë, Sturm Graz, Crvena Zvezda, Torino e Salzburg, në një kohë jo shumë të largët do të marrë drejtimin e kryeqytetasve. Ndërkohë që Walter Schachner si trajner ka drejtuar Austrinë e Vjenes, GAK, 1860 Mynchen dhe disa skuadra të tjera. Për futbollin shqiptar ai nuk është edhe aq i panjohur pasi ka luajtur kundër kombëtares kuqezi me Austrinë si dhe ka drejtuar GAK-un në dy ndeshje të turit të dytë në Ligën e Kampioneve kundër Tiranës në vitin 2004. Njeriu që po negocion për ta sjellë në Shqipëri sipas medieve austriake është Marian Prela, i njëjti që solli Pacult te Kukësi