Mbyllen pjesët e para të dy supersfidave të javës në kampionatin shqiptarë. Skënderbeu është duke fituar në pjesën e parë përballë Laçit, e duke kryesuar sërish i vetëm në majën e tabelës. Avantazhin e solli një autogol i Ademir, në minutën e 27’ të ndeshjes. Tekniku Ilir Daja ka hedhur në fushë më të mirët, pasi kërkon ta fitojë me çdo kusht këtë ndeshje. Prioritet për këtë sezon futbollistik për bardhekuqtë është fitimi i Superligës dhe tekniku nuk dëshiron të gabojë, pavarësisht ndeshjeve në Europa league. Në ndeshjen e parë u pa një dominim nga Skënderbeu në fushën e lojës, të cilët kërkuan shënimin e golit në shumë forma dhe arritën ta zhbllokojnë me anë të një autogoli.
Sfida tjetër Teuta-Partizani është mbyllur në një barazim 1-1, ku në fundin e takimit është Trashi që barazon gjithçka dhe shënon golin e parë për këtë sezon për të kuqtë. Teuta zhvillon një ndeshje mjaft të bukur dhe është superiore duke iu afruar shumë golit. Që në minutat e para u duk një dominim i durrsakëve dhe nj ndrojtje e të kuqve të Iulianos. Në minutën e 17’ është Dosti që shndërron në një supergol një goditje dënimi nga shumë pranë zonës. Pak minuta më vonë është sërish Teuta që rrezikon për të shënuar dhe fiton një 11-metërsh, i cili goditet nga Cyrbja dhe nuk kthehet në gol. Ky episod rikthen në lojë edhe Partizanin i cili merr zemër dhe fillon të luaj në mënyrë më të organizuar. Në minutën e 45’ një krosim në zonë për trashin do të sillte dhe barazimin dhe pak qetësi për italianin në stolin e të kuqve.
