Partia e Lirisë ka publikuar të tjera fakte sa i takon inceneratorit të Fierit, si dhe përfshirjen në skandal sipas tyre të Ministrisë së Infrastrukturës dhe Energjisë të drejtuar nga Belinda Balluku. Në një prononcim për mediat, deputeti Petrit Vasili dhe Koordinatorja Kombëtare e Luftës kundër Korrupsionit Brisida Shehaj kanë publikuar fakte të reja sa i përket inceneratorit të Fierit. Sipas tyre, kompanitë e përfshira te inceneratorët kanë marrë tre kredi me pretekstin për pagat e punonjësve në kohë pandemie.
“Bëhet fjalë për tre komponentë; kredimarrja e para. Nisim me kredinë e parë. Në 15 nëntor të 2016-ës, kompania pasi ka firmosur kontratën merr kredi në verë 2.2 mld dollarë. Ajo që e bën edhe më të rëndë faktin, është se dorëzantit për këtë kredi, dorëzani është dhe kompania Albtec.
Është e qartë se si këto kompani janë palë të lidhura dhe në këto kontrata vazhdon njësoj. Barra bie te shqiptarët. Kontratë kredie tjetër. Në vitin 2020 ku kanë marrë kredi duke u bazuar te VKM për COVID-in, për pagat e punonjësve.
Në shtator 2020 kompania vendos të përfitojë sërish nga riskedulimi për paratë nga COVID-i. Përfitojnë nga urdhri i kryeministrit dhe i guvernatorit të BSH. Pika tre është miratimi për marrjen e një kredie në shumën 3 mln dollarë me afat 3 vjeçar për rimëkëmbjen e aktivitetit”, tha Shehaj.
