Sot në sallën e seancave plenare u zhvillua sesioni përmbyllës i Parlamentit të Parë Rural Shqiptar.
Kryetari i Kuvendit, Gramoz Ruçi, tha se Parlamenti Rural është një nisëm mjaft e nevojshme dhe një model për t’u inkurajuar për zhvillimin e rajoneve të ndryshme në vend.
“Do të formohen parlamentet rurale rajonale. Kjo do të krijojë një dinamikë të re duke nxitur bashkëpunimet për një zhvillim më të mirë ekonomik dhe social. Inkurajoj Universitetin Bujqësor të Tiranës dhe Korçës , institucionet, agjencitë e huaja, që t’i japin zhvillim vendit tonë sipas përvojave të BE”, tha Ruçi.
