Parlamenti i Greqisë miratoi ditën e sotme një projektligj që ashpërson procedurën e dhënies së azilit. Projektligji u miratua në parim nga maxhoranca qeveritare e të djathtës, Demokracia e Re. Nga ana tjetër, forcat opozitare nuk janë dakordësuar për të vështirësuar procedurat për azilkërkuesit.
Që prej muajit korrik, qeveria e djathtë e Kyriakos Mitsotakis ka njoftuar ashpërsimin e procedurës së dhënies së azilit.
“Ky ligj për azilin dërgon një mesazh të qartë për ata që e dinë që nuk mund të marrin azil dhe do të vijnë për të qëndruar në vendin tonë. Ata do të rikthehen në vendet e tyre dhe do të humbin paratë e investuara në udhëtimin e tyre”, theksoi Mitsotakis.
