Sërish territori shqiptar mbetet në ndikimin e motit të kthjellët dhe vranësirave të lehta më të dukshme. Vranësirat paraqiten në zonat malore përgjatë kufirit lindor.
Meteoalb parashikon se pasditja dhe nata vijojnë nën ndikimin e kthjellimeve dhe vranësirave të herë pas hershme, por pa rrezikuar reshje.
Era do të fryjë me shpejtësi mbi 30 km/h nga drejtimi Lindor-Verilindor duke gjeneruar në brigjet detare dallgëzim 2-3 ballë.
Temperaturat e ajrit do të pësojnë rënie në të dy vlerat ekstremale duke u luhatur vlerat ditore nga -7 në 13 gradë.
