Java e parë e 2018-ës ka nisur me një luhatje temperaturash. Ndonëse dita e parë e vitit solli rritje të lehtë në të dy ekstremume, e marta nuk sjell ndryshime të ndjeshme të tyre; ekstremumet termike do luhaten nga -3°C mëngjesi në zonat malore deri në vlerat 13 – 14°C, gjatë mesditës në ultësirën perëndimore.
E martë – dt. 2 janar: orët e para të ditës mbeten me vranësira e reshje të pakta në Veri – Qendër ndërsa reshje të izoluara në pjesën tjetër të vendit. Mesdita dobëson vranësirat duke izoluar shirat në Veriperëndim – Jugperëndim dhe dëborë të pakët në zona të izoluara në Veri dhe Lindje duke lënë pjesën tjetër të territorit shqiptar me kthjellime e vranësira kalimtare.
Ndërsa shërbimi meteologjik i forcave te armatosura bën të ditur se në zonat malore në lartësitë mbi 800 metër priten reshje bore.
