Paraditja e sotme vijon me kthjellime e vranësira të shpeshta në vend, ndërsa shira të dobët do të ketë në zona të izoluara të Veriperëndimit – Juglindjes. Pasditja mbetet me kthjellime të shkurtra e vranësira të shpeshta në veri dhe qendër, duke sjellë shira të dobët në veriperëndim, ndërsa kthjellime të shpeshta do të ketë në zonat jugore.
Temperaturat e ajrit do të ulen me 2 gradë në mëngjes dhe mesditë duke bërë që ekstremumet të luhaten në 2-17 gradë C.
Era do të fryjë e lehtë dhe mesatare me shpejtësi 30 km/h nga drejtimi Perëndimor duke krijuar në det dallgëzim 3 ballë.
