Një 85-vjeçar është vetëplagosur, e më tej është paraqitur në spital me një plagë të shkaktuar nga arma e zjarrit. Ngjarja ka ndodhur mbrëmjen e djeshme, e ndërsa shtetasi me inicialet D.H., është jashtë rrezikut për jetën. I moshuari, banues në Mat, është vetëplagosur në një ambient që ndodhej pranë banesës së tij. Lidhur me këtë rast, policia ka sekuestruar në vendin e ngjarjes armën e zjarrit, si dhe vijon punën për zbardhjen e rrethanave.
“Në orët e vona të mbrëmjes datë 16.05.2021, është dërguar në spital për të marrë ndihmë mjekësore shtetasi D. H., rreth 85 vjeç, banues në Mat, i cili në një ambient pranë banesës së tij, dyshohet se aksidentalisht është vetëplagosur me armë zjarri”, njofton policia.
Grupi hetimor ka sekuestruar në vendin e ngjarjes armën e zjarrit, si dhe vijon punën për zbardhjen e rrethanave të plota të ngjarjes.
