Një grevë e përgjithshme 24-orëshe ka paralizuar sot Greqinë, pasojat e së cilës janë ndjerë më shumë në sektorin e transportit publik.
Sensibilizimi i radhës me kërkesë të sindikatave publike e private, vjen pas masave të reja shtrënguese që kërkuan kreditorët e vendit.
Transporti publik në Athinë, metrotë, autobusët, tramvajet janë plotësisht të bllokuara.
Edhe linjat detare drejt ishujve janë bllokuar tashmë që prej ditës së djeshme, pasi marinarët kanë vendosur një grevë prej 48 orësh.
Gjithashtu, shumë fluturime, kryesisht të brendshme janë anuluar, ndërkohë që për fluturimet ndërkombëtare është dashur riprogramimi i orareve për shkak të ndërprerjes së punës së pilotëve.
Shkollat janë mbyllur dhe spitalet funskionojnë me personel të reduktuar.
Grumbullimet kanë nisur në qendër të Athinës me kërkesë të sindikatave private GSEE dhe publike Adedy.
