Presidenti turk, Reccep Tayyip Erdogan deklaron se Turqia do të vazhdojë me planet e veta në lidhje me zonën e sigurt në veri të Sirisë.
Dy muaj më parë, Turqia dhe Shtetet e Bashkuara të Amerikës ranë dakord për krijimin e një zone të sigurisë, për të mbajtur militantët kurdë sirianë larg kufirit turk dhe të ndihmojnë në riatdhesimin e refugjatëve.
Mirëpo, Erdogan paralajmëron se do të nisë një operacion të njëanshëm kundër Njësive për Mbrojtjen e Popullit (YPG), të mbështetura nga SHBA-ja, në rast se krijimi i zonës së sigurisë do të vonohej , shkruan Rel.
“Në fazën aktuale, ne nuk kemi zgjidhje tjetër përveç që të vazhdojmë në rrugën tonë. Ne kemi provuar çdo rrugë. Ne kemi qenë jashtëzakonisht të durueshëm. Nuk kemi mundësi të humbasim asnjë ditë të vetme”, tha Erdogan në një komunikim në media.
