Gjatë qëndrimit në shtetin fqinj, kryeministri Edi Rama ka zhvilluar një takim edhe me Ministrin e Jashtëm grek Nikos Dendias.
Lajmin e ka bërë me dije kryediplomati grek përmes një postimi në Twitter, ku shkruan se në mbyllje të Samitit “The Economist” pati mundësinë të takohet me kryeministrin e Shqipërisë Edi Rama por pa treguar detaje nga biseda mes tyre.
Në darkën e punës në Athinë mes kryeministrit shqiptar dhe homologut grek Mitsotakis janë hedhur në tavolinë të gjitha çështjet e mbetura pezull mes dy shteteve, dhe se dy krerët e qeverive janë dakordësuar për t’i zgjidhur ato.
Pas përfundimit të takimit, mësohet se kryeministri Mitsotakis i ka thënë Ramës, se herën tjetër do të vijë në Tiranë.
Shqipëria dhe Greqia do të rifillojnë negociatat për demilitimin e kufijve detarë, pas një pauze prej dy vitesh.
Disa javë më parë, Mitsotakis deklaroi në parlamentin grek se Greqia do të zgjerojë ujërat terrirotiale me 12 milje në detin Jon, çka shkaktoi reagim të ashpër në vend.
Por, Rama tha se kjo është një e drejtë e Greqisë, që nuk ka lidhje me Shqipërinë.
