Në 3.400 vitet e fundit, njerëzit kanë qenë tërësisht në paqe për vetëm 268 vjet, ose vetëm 8 për qind
të historisë së regjistruar. Po sa njerëz kanë vdekur në luftë? Të paktën 108 milionë njerëz, u vranë gjatë luftërave vetëm në shekullin e XX. Ndërkohë numri i të rënëve në luftëra gjatë gjithë historinë njerëzore, varion nga 150 milionë në 1 miliardë njerëz.
Lufta ka disa efekte të tjera mbi popullsinë, duke përfshirë zvogëlimin e numrit të lindjeve, pasi largon burrat nga gratë e tyre.
Niveli i reduktuar i lindjeve gjatë Luftës së Dytë Botërore, vlerësohet të ketë shkaktuar një defiçit prej 20 milionë njerëzish. Ushtritë sot në mbarë botën kanë nën urdhrat e tyre 21.3 milionë njerëz.
Kina ka ushtrinë më të madhe me 2.4 milionë trupa. Pas saj vjen SHBA me 1.4 milionë, India me 1.3 milionë, Rusia me 1.1 milionë dhe Koreja e Veriut me 1 milionë ushtarë.
Në fillim të vitit 2003, në mbarë botën po zhvilloheshin njëkohësisht 30 luftëra. Këto përfshinin konflikte në Afganistan, Algjeri, Burundi, Kinë, Kolumbi, Kongo, Indi, Indonezi, Izrael, Irak, Pakistan, Sudan Ugandë etj. Ndërkohë vitet e fundit janë shtuar luftërat në Libi dhe Siri.
A ekziston një arsye gjenetike pse luftojmë? Nuk ekziston një “gjen i luftës”. Kombinimet e gjeneve mund të bëjnë që një person të jetë i prirur ndaj dhunës. Megjithatë, agresioni është më shumë një produkt i biologjisë dhe mjedisit.
