Abrashi nuk ia ka dalë dot të rikuperojë dëmtimin dhe ka ngelë jashtë ekipit kombëtarë që do të zhvillojë miqësoren me Turqinë në 13 nëntor. Panucci e ka zëvendësuar menjëherë mesfushorin duke grumbulluar një figurë të re, të panjohur për publikun shqiptarë.
Kamer Qaka vjen nga Kosova dhe aktualisht luan në Rumani tek ekipi i CSM Politehnica Iași, por ka dalë si futbollist në Norvegji ku është aktivizuar edhe me ekipet zinxhirë të kombëtares norvegjeze. 22-vjeçari është lindur në Kosovë dhe hapat e para si futbollist profesionist i ka filluar tek ekipi i Valerengës, por që është aktivizuar në disa ekipe të ndryshme. Sezonin që lamë pas ai ka luajtur në kampionati norvegjez me ekipin e Kristiansund BK, për tu transferuar tek ekipi rumun këtë sezon, ku ka zhvilluar 11 ndeshje.
Lojtari i talentuar i shtohet prurjeve të reja në epokën Panucci, pas mesfushorëve Astrit Ajdareviç, Ylber Ramadani dhe Sabien Lilaj. Ai do të stërvitet për një javë me skuadrën në Antalia, ndërsa nuk përjashtohet mundësia që ai të debutojë për disa minuta në miqësoren me Turqinë.
Ja kush është Qaka:
