Java që sapo u mbyll nuk ishte aspak e qetë për teknikun e kombëtares Christian Panucci. Disa futbollistë mjaft të rëndësishëm në formacionin e tij, nuk arritën t’i mbyllnin ndeshjet me ekipet e tyre respektive për shkak të dëmtimeve.
Këtë fundjavë është dëmtuar Arlind Ajeti, Berat Gjemshiti dhe Amir Abrashi, për ktë të fundit është konfirmuar nga klubi i Freiburgut se do të mungojë rreth 4-javë. Po ashtu vazhdon të vuaj dëmtimin sulmuesi Bekim Balaj dhe nuk ka asnjë konfirmim nëse do të jetë i gatshëm përballë Spanjës. Tjetër dëmtim është ai i kapitenit Ansi Agolli i cili nuk është aktivizuar edhe me ekipin e Qarabag që pas atij dëmtimi në ndeshjen me Maqedoninë.
Mungesat nuk mbarojnë me kaq sepse janë edhe tre mungesa të tjera të rëndësishme për shkak të kartonëve, të cilët janë Mërgim Mavraj, Burim Kukeli dhe Odise Roshi. Janë shumë lëndime dhe pezullime që kanë vënë në pozitë mjaft të vështirë Panuccin në një përballje kaq të rëndësishme si ajo me Spanjën. Kjo situatë sjell në jetë pistën e rikthimit në kombëtare të Taulant Xhakës, i cili mund të luaj në disa pozicione në mesfushë. Ky i fundit nuk aktivizohet me kombëtaren që mbas atij episodi ne ndeshjen përballë Italisë në Palermo.
