Shqipëria barazoi pa gola në miqësoren me Jordaninë në “Elbasan Arena”. Pas ndeshjes trajneri italian Christian Panucci ka dhënë intervistë për RTSH dhe më pas siç ndodh gjithmonë paraqitet edhe te Supersport. Por ndërkohë që Ilda Bejleri ishte duke pritur, trajneri është larguar dhe ka refuzuar të flasë.
Nuk dihet cila ka qenë arsyeja që Panucci ka bërë këtë zgjedhje, pasi asnjëherë nuk ka ndodhur që trajneri i kombëtares pas një ndeshje të mos flasë për mediat. Kujtojmë që bukuroshja Ilda Bejleri para ndeshjes kishte publikuar një foto nga stadiumi ku tregonte format e saj tërheqëse.
Prej kohësh përflitet se italiani ka shfaqur pakënaqësi sa herë që kamerat e kësaj platforme televizive përpiqeshin të siguronin pamje gjatë stërvitjeve dhe jo vetëm. “Panucci vazhdon me arrogancën e tij duke mos pranuar të flasë për ne, edhe pse më parë dha një intervistë”, – u shpreh Bejleri, e cila nuk mund ta fshihte nervozizmin e saj. Tensioni vazhdon në kombëtare, madje edhe jashtë saj. Kjo nuk i hyn në punë askujt.
