Trajneri i kombëtares shqiptare, Christian Panucci do të ketë një ndeshje mjaft emocionuese të hënën, pasi me Shqipërinë do të luajë kundër vendit të tij, Italisë. Kombëtarja e drejtuar nga Ventura nuk po kalon një moment të mirë, megjithatë Panucci është i bindur se ajo do të shkojë në kampionatin botëror.
“Do të jetë shumë emocionuese madje e pabesueshme që të jem kundër kombëtares së vendit tim, por si profesionist unë do të mbroj punën time deri në vdekje. Kam edhe unë një zemër…por futbollistët e mi do t’i motivoj që të japim më të mirën. Italia po vjen në këtë ndeshje si e dyta në grup, por ka shumë negativitet brenda. Megjithatë Ventura po bën një punë të mirë në një moment të vështirë për futbollin italian. Besoj se kjo skuadër do të jetë në botëror, por të hënën nuk do të ketë sentimentalizma”, tha Panucci për “Premium Sport”.
