Christian Panucci, trajneri i kombëtares shqiptare në një intervistë për “II Romanista” ka folur për verdhekuqtë dhe për problemet që sheh tek ekipi roman. Sipas trajnerit italian ajo që i mungon më shumë Romës është një stadium që të jetë në pronësi të tyre. Me stadiumin e tyre ata do të ishin më të qetë dhe do ti përgatisin më mirë ndeshjet, por edhe për faktin se skuadrat e mëdha e kanë të gjitha një stadium dhe kjo është një diferencë e madhe.
“Stadiumin.”-Përgjigjet fillimisht italiani. “Kjo është mënyra e vetme. Kur Roma të ketë impiantin e vet do të jetë kënaqësi. Nuk është një problem i vetëm këtij klubi, por i futbollit italian në përgjithësi. Kemi stadiume që na bëjnë të qeshim, vetëm Juventusi mes klubeve më të mira e ka atë dhe po fiton.”
Vetëm stadiumi do t’i ngushtonte diferencat?
“Jo, por impianti në pronësinë e saj është një faktor me rëndësi të madhe. Madje edhe Federata Shqiptare po ndërton stadiumin e saj. Si është e mundur që në Itali ka kaq shumë vështirësi?” –thotë Panucci në fund rreth këtij problemi.
