Christian Panucci është shfaqur në konferencën e mbajtur 24 orë para miqësores me Turqinë, që do të zhvillohet në Antalya. tekniku italian është mjaft serioz në punën që bën dhe këtë gjë ka kërkuar edhe tek grupi i lojtarëve që ka ftuar për këtë sfidë. Sa i përket lojtarëve të dëmtuar që ishin grumbulluar ai ka sqaruar se nuk ka ndonjë problem të jesh korrekt dhe profesionist, ata ishin këtu e vërtetuan që nuk mund të luanin dhe u larguan, nuk ka asgjë për tu shqetësuar.
“Kemi punuar nga ana taktike, teknike pasi të gjithë janë të angazhuar dhe të interesuar që ta përgatisim sa më mirë këtë ndeshje. Është një rregull shumë i qartë sa i përket lojtarëve të dëmtuar, pasi bëhet fjalë për një punë serioze dhe profesionale. Basha dhe Latifi është rregulli shumë i qartë pasi unë dua ti shoh vetë lojtarët që janë të dëmtuar dhe duhet ta vërtetojnë. Nuk është profesionale një telefonatë apo një letër por duhet ta shohë mjeku jonë specialist dhe të na thotë që është i dëmtuar. Abrashi nuk u paraqit fare pasi ishim të bindur që është i dëmtuar dhe vazhdoi të riaftësohet. Latifi dhe Strakosha iu nënshtruan disa rezonancave dhe EKO-ve dhe u vërtetua që nuk janë të gatshëm për këtë sfidë dhe u larguan,”– u shpreh Panucci.
Kjo miqësore dot ketë vëmendje të lartë nga Panucci, pasi aty do të shohë lojtarët që ka në dispozicion nëse mund t’iu besojë eliminatoret e Europianit 2020. Po ashtu është grumbulluar edhe Naser Aliji i cili aktualisht është pa skuadër.
“Do të përpiqemi të krijojmë grupin më të përshtatshëm për tu paraqitur në Europian. Ndeshje me Turqinë do ta luajmë për ta fituar dhe do të hedhim në fushë lojtarët më të mirë që kemi në dispozicion. Naser Aliji është një lojtarë që nuk ka skuadër për momentin dhe mua më vjen shumë keq për këtë gjë, pasi është një lojtarë mjaft i mirë dhe serioz. E kam ftuar sepse ne jemi një familje dhe ai mund të mbështetet tek ne, po ashtu unë do të vlerësoj çdo lojtarë që mund të kemë në dispozicion për eliminatoret e Europianit të ardhshëm”,-përfundoi tekniku italian.
