Nuk kishte si të ndodhte ndryshe ku për shkak të pandemisë, nuk do të ketë ceremoni çmimesh Nobel këtë vit në Stokholm.
Për herë të parë pas më shumë se 50-vitesh është anuluar ceremonia e çmimeve Nobel, e ndërsa fituesit do të shpallen me anë të internetit.
“Fituesit do të shpallen vetëm në internet, për shkak të pandemisë”, thuhet në deklaratën e Fondacionit Nobel, i cili administron ndarjen e çmimeve prestigjioze.
Pandemia po shkakton një mbyllje të dytë për shumë shtete, e ndërsa janë rikthyer sërish masat e forta. Një përjashtim nuk mund të ndodhte me ceremoninë e çmimeve Nobel, pasi do vihej në rrezik jeta e protagonistëve.
Hera e fundit që kjo ceremoni është anuluar ishte në vitin 1956, gjatë protestës ndaj pushtimit të Bashkimit Sovjetik në Hungari. Po ashtu, ceremonia është anuluar edhe gjatë Luftës së Parë dhe të Dytë Botërore.
Çmimet për arritjet në fusha të tilla si shkenca, letërsia dhe paqja u krijuan dhe u financuan me vullnetin e shkencëtarit dhe biznesmenit suedez Alfred Nobel, që nga viti 1901.
