Vajza e një politikani ka hedhur veten në erë!Pamjet e rënda janë publikuar nga mediat e huaja, që tregojnë aktin ekstrem të së resë.
Ngjarja ka ndodhur në kryeqytetin Grozny, në Republikën Çeçene. Karina Spiridonova shihet e veshur me një hixhab të zi, duke ecur përballë oficerëve të armatosur në Grozny.
Policia thotë se gruaja e radikalizuar, e cila u zbulua se ishte vajza e një politikani lokal në Urals, mbështetës i Putin, hodhi veten në erë. Videoja e publikuar nga Daily Mail tregon pamjet rrëqethëse, teksa 25-vjeçarja aktivizon eksplozivin.
Policia po mundohet të zbulojë motivet që çuan në aktin ekstrem, ndërsa shprehen se mund të ketë pasur një ‘shpëlarje truri’ nga militantët e ISIS. Ajo la edhe një mesazh para se të vetëflijohej, drejtuar Allahut, ku shkuante “Më fal” 21 herë.
Policët kishin parë sjelljen e saj të çuditshme dhe i kishin bërë thirrje të ndalonte e të tregonte kartën e saj të identitetit. Por, në vend që të ndiqte këto urdhra, ajo vijoi të ecte përpara derisa kreu aktin e rëndë.
Më herët, Spiridonova kishte qenë një lojtare volejbolli e talentuar, e ëma e të cilës ishte një mësuese dhe aktiviste pro Putin.
Vajza dikur vishej me fustane të shkurtër dhe frekuentonte jetën e natës. Ajo donte të bëhej mësuese, por më pas u bë fetare, pas ndikimit të një imami radikal dhe pas njohjes me një burrë misterioz, me të cilin u martua 2 vite më parë.
Dyshohet se rekrutues të ISIS kanë ndikuar dhe manipuluar sjelljet e vajzës, duke orkestruar të gjitha veprimet e saj./ Përshtati TIRANA TODAY
